Kondision Servi Sit Koz Parol
Introdiksion
Bienveni lor sit internet Koz Parol. Kan zot pe gagn akse a sa sit internet la, zot pe aksepte bann kondision servi li. Lir bien sa bann kondision la:
Langaz
Kontenu sa sit la, ikonpri bann Kondision Servi Sit, ekrir an kreol morisien. Nou finn fer se ki nou kapav pou respekte bann norm lingwistik ki finn etabli par Diksioner Morisien (Premie diksioner kreol monoleng, Deziem edision). Ena bann term ki nou servi lor sa sit la ki pankor rant dan diksioner morisien. Nou finn tradir zot dan nou paz Lexik (kozparol.com/lexik).
Itilizasion Sit Koz Parol
Sit internet Koz Parol propoz bann lartik ek bann linformasion lor bann drwa, lasante ek bienet bann zom. Zot kapav konsilte sit la a tit personel, me napa servi li a tit komersial. Napa reprodwir ou distribie konteni sa sit la san nou lotorizasion.
Exaktitid nou linformasion
Nou fer nou «best» pou fourni bann linformasion ki exakt ek ki azour, me nou pa kapav garanti enn presizion optimal («exhaustivité») ou zot exaktitid. Linformasion ki nou fourni zot napa ranplas enn avi legal, medikal ou profesionel. Zot bizin konsilte enn profesionel dan domenn konserne pou enn konsey personalize.
Responsabilite
Koz Parol napa responsab bann domaz ou bann pert ki finn gagne akoz linformasion ki ena lor so sit. Enn itilizater pran konsians, responsabilite ek bann risk servi sit la.
Lien ki al lor lot sit (Linnk extern)
Nou sit kav ena bann lien (bann linnk) ki al lor lot sit internet. Nou pa responsab konteni ki ena lor sa bann sit la. Nou rekomann zot lir kondision itilizasion sa bann sit la, ek zot polisi lor konfidansialite.
Konfidansialite
Nou respekte zot lavi prive ek nou pran langazman protez zot linformasion personel. Si zot oule konn pliss lor nou polisi lor konfidansialite, chek nou paz Konfidansialite (kozparol.com/term/konfidansialite).
Modifikasion bann Kondision Servi Sit
Nou kav sanz bann kodision servi nou sit ninport kan. Sa bann modifikasion la pou lor sa paz la (kozparol.com/term). Si zot kontiy servi nou sit apre ki nou finn fer sa bann sanzman la, li ve dir ki zot finn aksepte nou bann kondision.
Propriete intelektiel
Sa sit la so konteni, ikonpri bann tex, zimaz, logo, zot proteze par kopirayt. Zot napa kapav servi nou konteni san nou lotorizasion.
Kontak
Si zot ena kit kestion, ou kit remark ou sizestion lor nou bann kondision servi nou sit, avoy nou enn mesaz a traver nou paz Kontak (kozparol.com/kontak).